Daar is soveel dinge aan die Universiteit Stellenbosch om op trots te wees en waarby U kan baat. SUNKOM (voorheen bekend as Kommersiële Dienste) is 'n klein, maar kragtige span mense uit 'n verskeidenheid agtergronde wat sorg dat ons voordeel trek uit wat ons almal na die tafel bring, vir die verbetering van almal in Stellenbosch - personeel, studente, toeriste en gaste. SUNKOM is 'n afdeling Innovus wat verantwoordelik is vir die 5de inkomstestroom van die Universiteit. Dit sluit beide tegnologie en intellektuele eiendom-verwante inkomste sowel as suiwer kommersiële inkomste in. Terwyl SUNKOM direk inskakel by die Universiteit, is al ons afdelings finansieël onafhanklik.